Imi hatene ka lae Fatin Turismu iha Timor Leste
Turismu bele fo vantajen ba ema nebe uja hodi diak, pasiar lemo rai hateke panorama fo kontente ba ema nudar saude psikologia no haforsa saude. Turismu dala wain refere liu ba ema strangeiru sira maibe lolos turismu signifika fatin ida atria ema barak atu ba halibur no pasa nia tempu iha neba. Ema nebe ba area turistiku bele mai husi liur stranjeiru sira no ema local sira nebe pasa tempu iha area refere.
Komik ituan kwandu rona iha radio, hare iha televijaun no lee iha jurnal ema wain koalia turismu maibe ninian intensaun mak oinsa atu atrai ema husi rai liur duke ema turista nebe iha rai laran. Entaun, Timor persija hadia potensia area turismu ba ema atu ba vizita. Ema sei hetan direita valor seitor nebe hodi dezenvolve didiak area turistika iha Timor Leste.
Iha fatin turistiku barak mak iha Timor, maibe ita ladun tau matan ba fatin historiku hirak ne’e iha ita nia Rain Timor Leste.
Iha Dili ema bele pasiar ba fatin turistiku balun hanesan tasi tolu: fatin nee overese natureja nian furak komesa husi bee lihun tolu, animal fuik hanesan manu bee nebe kapas mesak deit, no ema bele eksplora liu tan furak hirak nee ho la’o haleu pasajen hirak nee. iha tasi tolu nian sorin ema bele aproveita vizita Statua Sao Paulo II nian hamrik metin hodi hateke ba Dili laran. Tasi tolu mos ema konsidera hanesan fatin historiu luta nian tanba iha 20 Maio 2002, uja fatin refere hodi halao seremonia ofisialmente ba loro Independensia Timor Leste.
Alemde Tasi Tolu- Dili mos iha Tasi nia furak iha parte leste nian Kristu Rei . Ema bele pasa nian tempu iha Area Branka Pasir putih, fatin nee nian furak liu maka rai henek mutik ho tasi nebe hakmatek diak tebes ba ema sira atu hariis. Iha Area Branka Nia sorin ema bele haris tasi no se diak liu reserva tempu hodi sae ba visita statu Kritu Liurai iha area nee. husi fatin ass Kristu Liu rai ema bele hateke tasi nian furak no fatin bark iha Dili. Statu Kristu Liurai nia Posisaun hateke ba tasi Loro Monu Nian.
Kastelu iha Liquisa Aipelu, no kastelu Liquisa iha Maubara.
Distritu Liquisa, oferese istoria luta Timor Nian. benteng ka Kastelu tuan husik hela husi kolonialismu nian tempu hamrik metin nudar sasin ba visitantes. Kastelu famosu iha Liquisa mak Kastelu Aipelu no Kastelu Maubara. Kastelu rua ne’e ema portuguesa sira mak halo iha tempu kolonialismu nian, sira halo kastelu ne’e hodi dadur Timor oan sira nebe kontra hasoru sira iha tempu neba kastelu rua ne’e mos ema mate barak iha laran .
Benteng ka Kastelu Aipelu Liquisa
Be’e Manas Marobo, lokaliza iha suku Marobo Posto Administrativu Bononaro, Munisipiu Bobonaro.
Husi Dili atu ba fatin ne’e liu husi Maliana kapital Bobonaro nian. Be’e manas nia furak atrai ona ema wain halo vizita husi grupu ka idividual, fatin refere halo kedas tempu kolonialimu Portuguese, vizita fatin nee ema sei hetan oportunidade haris bee manas no istoriamente bee nee bele kura moras isin katar no kaskadu nian. visita fatin nee turista bele eksplora liutan kustume emar Marobo nian. Sekarik sorte diak turista bele hetan no sosa tais Marobo nebe uniku tebes iha Timor.
Bee Manas Marobo Maliana- Bobonaro
Lospalos distritu Leste liu iha Timor;
Ema visita iha neba konsege bele eksplora liu tan kostume uniku nebe Lospalos oan iha. Tempu okupasaun Indonesia Uma adat Lospalos sai nudar simblu identidade Timor nian. Visita fatin neba turista sei hare direita uma lulik orginal Lospalos nebe sei hamrik barak iha neba. Lospalos iha Ilha furak ida naran Ilha Jaco. virginidade ilha nee sei origin no furak atu eksplora liu tan.
Uma Tradisional Lospalos
Foho Ramelau mos sai hanesan fatin nebe mak famoju tebes iha Timor Leste.
Ainaro; oferese foho no klima nia furak. Turistiku famoju iha Ainaro mak Foho Ramelau. Uluk tempu okupasaun Indonesia Foho nee hanaran “Tatamailau”. husi Ramelau Tutun turista bele aproveita hateke Timor Leste nia Rai ho karakteristiku foho haleu ambiental Timor – Leste nian.
Pouzada Maubisi nia furak dada ema nia matan atu ba vizita iha fatin ne’e.
Sub-Distritu Maubisi parte Ainaro iha pouzada ida nebe mak furak tebes hodi dada ema nia matan atu ba vizita fatin ne’e.Fatin ne’e iha laletek Maubisi nian, ho klima nebe malirin no anin nebe mak fresku no hu nia malirin mai ita nia isin hodi inspira pouzada nia furak iha ita nia moris no ita bele pasatempu no refresin nia an iha pousada leten ho anin nebe mak fresku tebes.
